Súlur | Björgunarsveitin á Akureyri

Aðalfundur Súlna verður haldinn þann 14. mars og hefur uppstillingarnefnd nú tekið til starfa.
Formaður nefndarinnar, skipaður af stjórn, er Gunnar Agnar Vilhjálmsson en auk hans eru í nefndinni þeir Jóhann Lárus Baldursson og Vagn Kristjánsson sem kjörnir voru á síðasta aðalfundi.

Samkvæmt 9. grein í lögum félagsins fer fram kosning til eftirfarandi embætta á aðalfundi: Árlega er kosið er um þrjár stöður í stjórn til tveggja ára auk þess sem formaður er kosinn árlega. Einnig er kosið um stöður tveggja manna í uppstillingarnefnd og tvo skoðunarmenn reikninga.

Hægt er að fá nánari upplýsingar hjá undirrituðum. Þeir sem hafa hug á að bjóða sig fram þurfa að vera búnir að láta uppstillingarnefnd vita af framboðinu ekki seinna en viku fyrir aðalfund, skv. reglugerð um uppstillingarnefnd sem sett hefur verið af stjórn Súlna. Því er ekki tekið við framboðum til embætta eftir 7. mars n.k.

Akureyri 15. febrúar 2011
Gunnar Agnar Vilhjálmsson

Síðastliðinn föstudag var sveitin fengin til aðstoðar vegna vatnsleka á þremur stöðum í bænum. Ástæða vatnslekanna var að mikill snjór hafði safnast á þök húsanna, m.a. um nóttina og talsverð þýða kom ofan í það. Fóru 4 meðlimir Súlna á þessa staði og hreinsuðu snjó og ís af þökum á þessum stöðum en á einum staðnum þurfti aðstoð bíls með körfu til að komast á þakið.

Síðastliðinn föstudag var útkall vegna tveggja hrossa sem sátu föst í skurði. Mikið vatn var í skurðinum og stóðu aðeins höfuð þeirra upp úr. Fimm björgunarsveitarmenn fóru á staðinn með þurrgalla til að vinna í vatninu en fara þurfti ofan í skurðinn til að koma böndum á hrossin. Tók um klukkutíma að koma hrossunum upp úr skurðinum.
Lesa meira