Súlur | Björgunarsveitin á Akureyri

Beiðni barst frá 112 um bíl utan vegar á Öxnadalsheiði um kl 21.00 í kvöld 25. des.  Súlur 2 var sendur vestur á heiði til að aðstoða bílinn.  Ekki fannst bíll utan vegar þar en farið var vestur í Norðurárdal til að kanna málið.  Þegar þessu útkalli var að ljúka barst beiðni frá lögreglu um að fara upp á Víkurskarð á Vaðlaheiði.  Þar væri varla orðið fóksbílafæri og vitað væri a.m.k. um einn bíl sem væri í vandræðum.  Mikil hálka er á vegi og töluverður skafrenningur.  Búið er að senda Súlur 4 til viðbótar á Víkurskarðið.