þriðjudagur 04.október 2011
Síðasta fimmtudag var haldin nýliðakynning í endurbættu húsnæði Súlna. Á kynninguna mættu á milli 30 og 40 manns á öllum aldri. Var þeim kynnt starf björgunarsveitarinnar og hvernig nýliðastarfið fer fram. Að lokinni kynningunni var gestum sýnt húsnæði og tækjakostur sveitarinnar.
Það verður að segjast að þetta leit út fyrir að vera efnilegur hópur og er það von félaga í Súlum að sem flestir haldi áfram í nýliðastarfinu og verði í framtíðinni virkir og öflugir félagar í sveitinni.
