Súlur | Björgunarsveitin á Akureyri

Næstkomandi sunnudag 7. mars boðar sleðaflokkur Súlna til sleðaferðar um nágrenni Akureyrar. Ferðin er ætluð fyrir sleðaflokka björgunarsveita á svæði 11 og nágrennis.

Keyrt verður frá hitasveituskúrunum sem eru við ruslahaugana ofan Akureyrar. Farið verður um Glerárdal og þar í kring. Ekki þarf að skrá sig sérstaklega í ferðina en mæting er klukkan 10:00 og munu Smári Sig og Maggi Arnars leiða hópinn.

Veðurspáin er góð, hæg vestanátt og hálfskýjað.

Þeir sem hug hafa á að fara í ferðina skulu fylgjast með síðunni seinnipart á laugardag því breyting getur orðið á skipulagi ef veðurspáin breytist.

Með von um góða mætingu

Sleðaflokkur Súlna