sunnudagur 10.febrúar 2008
Mynd/ Úr myndasafni
Á þriðja tímanum sl. nótt óskaði lögreglan eftir því að sveitin færi vestur á Öxnadalsheiði til að aðstoða fólk í bíl sem hafði farið útaf veginum ofarlega á heiðinni í mjög vondu veðri. Samkvæmt vindmæli Vegagerðarinnar á Öxnadalsheiði var vindur um og yfir 20 m/sek og fór yfir 30 m/sek um það leiti sem bílinn lenti útaf veginum og skyggni mjög takmarkað.
Ellefu menn á þremur bílum voru sendir á staðin og gekk vel að ná bílnum aftur upp á veginn og var honum síðan fylgt vestur af heiðinni.
