Súlur | Björgunarsveitin á Akureyri

Laugardaginn 18. febrúar verður stór sameiginlega æfing fyrir sveitirnar á svæði 11. Æfingin fer fram á Dalvík og verða verkefni bæði á landi og sjó. Á æfingunni verður boðið upp á fjallabjörgunarverkefni, vélsleðaverkefni, bílaverkefni, snjóbílaverkefni, báta verkefni og almennverkefni. Á nógu verður að taka fyrir alla og um að gera að taka daginn frá, mæta með allan flotann og æfa grimmt þennan dag.

Áhugasamir eru beðnir um að skrá sig sem fyrst hér á síðunni. Nánari dagskrá verður auglýst síðar.

Síðastliðinn föstudag var sveitin fengin til aðstoðar vegna vatnsleka á þremur stöðum í bænum. Ástæða vatnslekanna var að mikill snjór hafði safnast á þök húsanna, m.a. um nóttina og talsverð þýða kom ofan í það. Fóru 4 meðlimir Súlna á þessa staði og hreinsuðu snjó og ís af þökum á þessum stöðum en á einum staðnum þurfti aðstoð bíls með körfu til að komast á þakið.

Síðastliðinn föstudag var útkall vegna tveggja hrossa sem sátu föst í skurði. Mikið vatn var í skurðinum og stóðu aðeins höfuð þeirra upp úr. Fimm björgunarsveitarmenn fóru á staðinn með þurrgalla til að vinna í vatninu en fara þurfti ofan í skurðinn til að koma böndum á hrossin. Tók um klukkutíma að koma hrossunum upp úr skurðinum.
Lesa meira